Hoe werk SA Vryskutskrywer se Skryfkursusse?

Aanlynstudies raak wêreldwyd ál meer gewild weens hul bekostigbaarheid, gerief en persoonlike opleidingsmetodes. Ons skryfkursusse word spesifiek ontwerp met hierdie kenmerke in gedagte. Alles wat ons aanbied is prakties, professioneel en op die man af.

Hier volg aspekte van ons skryfkursusse se eienskappe:

• SA Vryskutskrywer se opleiers is spesiaal toegerus om jou vanaf bladsy een te help om jou eie skryfstyl te vind en te ontwikkel. In ons intense een-tot-een opleidingstelsel is jy nie net 'n student nie, maar 'n mede-skrywer.

• A lle kursusse en kommunikasie word deur middel van die internet (via e-pos) aangebied, so jy het geen moeite met poskantore, posseëls of iets dergeliks nie.

• Nadat jy vir ‘n kursus geregistreer en die toepaslike kursusfooi betaal het, word jou relevante kursusmateriaal binne 48 uur aan jou gestuur; saam met ‘n amptelike verwelkomingbrief van jou persoonlike opleier. Jy kan dus sommer dadelik aan die werk spring.

• ALLE skryfkursusse bevat gratis hulpmiddels en/of studiemateriaal wat saam met jou studiepakket gestuur word.

• Ná voltooiing van jou skryfkursus ontvang jy 'n sertifikaat as bewys dat jy die kursus suksesvol voltooi het.